Samsung Galaxy S21 5G

Galaxy S21 er með 6.2“ háskerpuskjá. S21 er með 120hz skjá sem lætur allar hreyfingar á skjánum verða silkimjúkar.

Þrjár aðalmyndavélar eru á tækinu. 12MP myndavélin er eflaust sú sem oftast verður notuð, einnig má finna 12MP víðlinsu og 64MP aðdráttarlinsu. 8K myndbandsupptaka er í boði og gervigreind er beisluð til að hjálpa þér að ná bestu myndinni, á rétta augnablikinu. Að framan er 10MP sjálfumyndavél.

Gervigreindin og þrívíddarsýn er svo notuð til hjálpa þér að ná frábærum „portrait“ sjálfum þar sem skerpa og dýpt er stillt af svo þú njótir þín sem allra best á sjálfunni.

Samsung Galaxy S21 línan styður Wifi 6, allra nýjasta staðalinn í þráðlausum netum. Eins styður S21 línan 5G, fimmtu kynslóð farsímaneta en Síminn hefur sett upp tilraunasenda og er frekari frétta um 5G væðingu Símans að vænta fyrr en síðar.

S21 línan kemur öll með uppfærða útgáfu af One UI viðmóti Samsung og Android 11, nýjustu útgáfu Android stýrirkerfisins frá Google. Samsung hefur stigið mörg frábær skref í bestun viðmótsins og þannig gert það nýtilegra í stað þess að reyna að gera allt eins og var algengt í upphafi Android stýrikerfisins og snjallsímabyltingarinnar.

Með hverri útgáfu verður One UI viðmótið stílhreinna og betra fyrir okkur sem notendur. Nýjung í þessari útgáfu er t.d. að notendur geta nú notað Google Discovery þannig að þegar farið er til hægri frá heimaskjá kemur allt það helsta sem Google telur þig hafa áhuga á þann daginn, virkilega nýtilegt sem og notalegt.

Eins og alltaf er hönnun S21 línunnar upp á tíu, eða 21 kannski. Tækin eru afskaplega falleg og létt í hendi. Í stað bakhliðar sem glansar og kámast auðveldlega er komin mött bakhlið sem kámast ekki og gerir símann stöðugri í hendi. Bakið er einnig sléttara en áður þar sem tekist hefur að minnka myndavélarnar þannig að þær standi ekki eins mikið út.

Einnig má nefna að S21 er með uppfærðan og leiftursnöggan en öruggan fingrafaraskanna til að aflæsa símanum, Dolby Atmos stuðningi og skjáirnir eru svo allir með nýjustu kynslóð Gorilla Glass sem nefnist Gorilla Glass Victus sem gerir skjáinn enn endingarbetri þar sem enn erfiðara verður að skemma hann. Það gæti samt gerst þannig að ekki henda honum viljandi í jörðina.

Samsung A52 Clear Standing Cover

4,490

4,490

Þú gætir haft áhuga á

Þessi vara er því miður ekki til

Kt. 460207-0880, Vsk.nr. 94290Fyrirtækjaskrá RíkisskattstjóraÁrmúli 25, 108 ReykjavíkAðalnúmer: 5506000kt.

Þjónustuver

800 7000

Fyrirtækjaráðgjöf

800 4000

Leitaðu eftir vöru

Kt. 460207-0880, Vsk.nr. 94290
Fyrirtækjaskrá Ríkisskattstjóra
Ármúli 25, 108 Reykjavík
Aðalnúmer: 5506000kt.