IceGuys Tónleikar 13.12.2024

Fegurð er glæpur ehf. Og Paxal kynna með stolti IceGuys jól í Laugardalshöll Föstudaginn 13. desember.

Það er ljóst að með tilkomu IceGuys er ný Ísöld hafin. Öll þeirra útspil hafa fengið frábær viðbrögð hingað til og hefur aðdáendahópur Ísdrengjanna, IceGang, kallað eftir einhverju ennþá stærra til að svala ísþorstanum. Og þegar IceGang kallar þá svara IceGuys.

Á tónleikunum munu piltarnir syngja öll sín þekktustu lög og er aldrei að vita nema þeir hlaði í ábreiður af þekktum jólalögum eins og sannri strákasveit sæmir. Danssporin verða æfð í þaula og sviðið ísi lagt til að kæla Ísdrengina niður í öllum hitanum.

Upphitunaratriðin verða ekki af verri endanum en þau verða í höndum hinna virtu tónlistarmanna Arons Can, Friðriks Dórs, Herra Hnetusmjörs og Jóns Jónssonar að ógleymdum Rúriki Gíslasyni sem sló rækilega í gegn á stórtónleikunum í Dalvík á Fiskideginum mikla.
Ekki hafa áhyggjur af því hvort jólin í ár verða rauð eða hvít heldur tryggðu þér miða í stúku eða stæði á ísköld jól í Laugardalshöll.

Síminn býður upp á sérstakt tilboðsverð, aðeins á meðan tilboðsdagarnir Sautjándi Símans standa yfir.
Athugið að miðakaup eru endanleg, ekki er hægt að skila né skipta miðunum hjá Tix né Símanum.

Tónleikarnir byrja klukkan 21:00 eru um 3 tímar

Aldurstakmark er 18 ár.