Sætaspætan
Sætaspætan segir söguna af því þegar Freddi og Gló finna sjaldgæfan furðufugl í Sveppamýrinni. Þá hefst spennandi atburðarás þar sem markmiðið er að hjálpa fuglinum til síns heima. Sagan var skrifuð af Signýju Kolbeinsdóttur, yfirhönnuði Tulipop og stofnanda, í samstarfi við breska handritshöfundinn Davey Moore og rithöfundinn Gunnar Helgason. Bókin er 32 blaðsíður, í harðri kápu og fallega myndskreytt af Signýju. Hún er fullkomin fyrir eldri leikskólakrakka og yngri skólakrakka (4 til 8 ára), en vonandi mun öll fjölskyldan hafa gaman af!
